મૃગજળ કેરો પ્રેમ છે તારો,
હોય અનંત પણ નજીક ભાસે,
દૂર થતો જાય જેમ પહોંચું પાસે...
મૃગજળ કેરો પ્રેમ છે તારો,
તૃષ્ણાથી અતૃપ્ત મૃગને દોડાવે,
રહે છેટો પણ ના આવે કદીય પાસે...
મૃગજળ કેરો પ્રેમ છે તારો,
નદીના બે કિનારા જેમ નજીક ભાસે,
સફર લાંબો પણ ના આવે કદીયે પાસે...
મૃગજળ કેરો પ્રેમ છે તારો,
ક્ષિતિજે મિલન નભ ધરાનું ભાસે,
પણ હકીકતે તો હોય જોજનો દૂર...
મૃગજળ કેરો પ્રેમ છે તારો,
હું અને તું એટલે ચાંદ અને તારો,
જોજનો દૂર હોય પણ જાણે પ્રેમી યુગલ ભાસે...
મૃગજળ કેરો પ્રેમ છે તારો,
હોય અનંત પણ નજીક ભાસે,
દૂર થતો જાય જેમ પહોંચું પાસે...
- પાર્થ પ્રજાપતિ
( વિચારોનું વિશ્લેષણ )
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.