તું હોય અને બસ હું હોઉં,
મૂકીને બધા દુઃખોનો ટોપલો,
ચાલને મળીયે ક્યારેક,
સુખનાં સરનામે પ્રેમના સથવારે...
ભૂલીને વિચલિત કરતી જૂની વાતો,
યાદ રાખીને માત્ર પ્રણયનાં ગીતો,
ચાલને મળીયે ક્યારેક,
સુખનાં સરનામે પ્રેમના સથવારે...
ઠોકર મારી બધા અવરોધોને,
તોડી સઘળાં સમાજનાં બંધનોને,
ચાલને મળીયે ક્યારેક,
સુખનાં સરનામે પ્રેમના સથવારે...
ઘણી જોઈ તડકી છાંયડી આ જીવનમાં,
હવે તો બસ મળીયે ક્યાંક મહેકતાં મધુવનમાં,
ચાલને મળીયે ક્યારેક,
સુખનાં સરનામે પ્રેમના સથવારે...
ખીલી ઊઠી છે આ પ્રકૃતિ પર્જન્યનાં આગમનથી
ખીલી ઊઠે મનડું મારું પ્રિયતમાનાં આગમનથી,
ચાલને મળીયે ક્યારેક,
સુખનાં સરનામે પ્રેમના સથવારે...
રંગાઇ ગયું છે નીલ ગગન મેઘધનુષ્યના રંગોથી,
રંગાવું છે મારે પણ તારા પ્રણયના મોહક રંગોથી,
ચાલને મળીયે ક્યારેક,
સુખનાં સરનામે પ્રેમના સથવારે...
રાહ જોઈ જોઈને વીત્યું વરસ અને થયો હું અધીર,
ભીંજાવા તને પ્રેમમાં મારા, હવે ના રેહવાય લગીર,
ચાલને મળીયે ક્યારેક,
સુખનાં સરનામે પ્રેમના સથવારે...
-
પાર્થ પ્રજાપતિ
તમારી આ કવિતા વાંચી મને એ" યાદ આવી ગઈ!❤️🌹
જવાબ આપોકાઢી નાખોખુબ ખુબ આભાર આપનો...
કાઢી નાખોતમારી આ કવિતા વાંચી મને એ" યાદ આવી ગઈ!❤️🌹
જવાબ આપોકાઢી નાખો