કર્મોનું ભાથું લઈ ઊભા છે
બધા એક કતારમાં,હિસાબ બધાનો પડ્યો છે,
પડશો ના કોઈ તકરારમાં...
કેટલાક રહી ગયા
કુકર્મોની માયાજાળમાં,અને
કેટલાક તરી ગયા આ ભવસાગર
સારા કર્મોની દરકારમાં...
ગરીબ ને તવંગર સૌ કોઈ
ઊભા છે એક કતારમાં,
બધાનો હિસાબ બરાબર થશે,
ના રહેશો ખોટા અહંકારમાં...
બાંધતા તો બાંધી દીધું આ
પાપનું ભાથું મોહ માયાના મદમાં,
હવે ઊંચકે પણ ના ઊંચકાય,
થઈ શક્તિ ક્ષીણ પળવારમાં...
પાઈ પાઈનો હિસાબ રાખ્યો છે એણે,
કઈ રીતે હિસાબ ચૂકતે કરીશું કર્મોનો,
શું કરવું, શું ન કરવું, સૂઝ કાંઈ પડે નહીં,
અંત સમય આવી ગયો જોતજોતામાં...
- પાર્થ પ્રજાપતિ
વાહ!ખૂબ સરસ
જવાબ આપોકાઢી નાખોખુબ ખુબ આભાર આપનો...
કાઢી નાખો