પોસ્ટ્સ
લેખકનું નામ : દિલીપ ધોળકિયા,
"શ્યામ"
રચનાનું નામ : પ્રસંગો સાચવી સઘળાં...
---------------------
પ્રસંગો સાચવી સઘળા પછી બેઠો જગતમાં છું.
મુકીને દાવ પણ જીવન જુઓ બેઠો રમતમાં છું.
બતાવું ચાલ જીતીને હજુ પણ હામ બાકી છે,
ભલે આ હાથ છે ખાલી છતાં બેઠો શરતમાં છું.
હતો હું કિંમતી ત્યારે ખરીદી ના શક્યાં હો તો,
ભરો ખિસ્સે મને કોઈ જુઓ બેઠો મફતમાં છું.
તમે હથિયાર ભાંગેલાં અમારાં હાથમાં ભાળી,
મને હારેલ ના સમજો હજુ બેઠો લડતમાં છું.
ભલે ફેંકો તમે પાસા શકુની ચાલ જેવા પણ,
કરી છે કૂકરી ગાંડી પછી બેઠો ભરતમાં છું.
રહો છો દૂર પણ ભૂલી જશો એ વાત ખોટી છે,
કદી આવી મળો એ જીદ લઈ બેઠો મમતમાં છું.
~દિલીપ ધોળકિયા,"શ્યામ"
જૂનાગઢ.
હું દિલીપ ધોળકિયા,"શ્યામ" આથી બાંહેધરી આપું છું કે આ મારી સ્વ રચીત રચના છે..
આ પણ વાંચો:- આર્ટિફિશિયલ ઇન્ટેલિજન્સ -AI માનવજાત માટે વરદાન કે શ્રાપ?
અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.