તજું કેમ તારી - દિલીપ ધોળકિયા,"શ્યામ"

લેખકનું નામ : દિલીપ ધોળકિયા,"શ્યામ"

રચનાનું નામ : તજું કેમ તારી...

તજું કેમ તારી મિલન આશ વ્હાલાં.

હજુ જીવવું છે રહી પાસ વ્હાલાં.

રહ્યો છું સલામત નજરમાં વસીને,

ભલે ના રહ્યો હું બની ખાસ વ્હાલાં.

નથી વૈદ્ય પણ હાથ મારો પકડતાં,

દરદનો મલમ તું બને કાશ વ્હાલાં.

થયું પાન પીળું બટકશે અચાનક,

અટકતાં વહે છે હવે શ્વાસ વ્હાલાં.

અધૂરપ અડિંગો જમાવી છળે છે,

નથી એમ સસ્તી કબર હાશ વ્હાલાં.

દિવસ રાત સરખાં હવે લાગવાનાં,

સમય સાથ ફરતાં રહે ભાસ વ્હાલાં.

~દિલીપ ધોળકિયા,"શ્યામ"

  જૂનાગઢ.

આથી હું દિલીપ ધોળકિયા, "શ્યામ" બાંહેધરી આપું છું કે આ મારી સ્વરચિત રચના છે..

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો