પોસ્ટ્સ
રચનાનું નામ:- સ્વયં સાથે તકરાર
લેખકનું નામ :- પિયુષ જોશી "શિલ્પધ્રુવ"
પ્રકાર :- ગઝલ
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
સાચવી રાખે હૃદયમાં રોજ એવો પ્યાર રાખું
કર્ણ જેવો એક સાચો મારો પ્યારો યાર રાખું.
હિન વિચારો જે હૃદયને કાળું રંગી દે નકામું,
તો સ્વયં સાથે જ તીખી કાયમી તકરાર રાખું.
આયનો સાક્ષી બને કે ના બને હું યાદ રાખી,
કર્મની સાથે જગતમાં ઈશ તણો આધાર રાખું.
ભીંજવે વરસાદના ફોરા મને જો લાગણીમાં,
લાગણીને માન આપી લાગણીમાં હાર રાખું.
આ ગઝલને પણ મઠારી જોને કેવી શિલ્પધ્રુવે!
એ બને મીઠી ને મધુરી શબ્દમાં એ ભાર રાખું.
લેખકનું નામ :- પિયુષ જોશી "શિલ્પધ્રુવ"
બાંહેધરી :- આથી હું પિયુષ જોશી "શિલ્પધ્રુવ" ખાતરી આપુ છું કે આ ગઝલ મારું મૌલિક સર્જન છે. જો એ કોઈની નકલ પુરવાર થાય તો કાનૂની પગલાં ભરવાનો આપને અધિકાર છે.
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.