ભાતભાતના

 

ભાતભાતના રંગો ધરાવે છે અહીં માણસો બધા,

ચળકે છે માત્ર એ જ, જે તપે પુરુષાર્થની ભઠ્ઠીમાં...

ભાતભાતના વૃક્ષો ને વનસ્પતિનો ખજાનો છે બધો,

ટકે છે માત્ર એ જ, જે નમે વાવાઝોડાની આંધીમાં...

ભાતભાતના ફૂલોથી શોભે છે અહીં બગીચા બધા,

મહેકે છે માત્ર એ જ, જે ખમે સુવાસ ફૂલોની ખુદમાં

ભાતભાતની માટીમાંથી બનેલા કોડિયાઓ છે બધા

ઝળહળે છે માત્ર એ જ દીવો, જે બળે પ્રેમની આગમાં...

ભાતભાતની હોડીઓ લઈને મરજીવા ખૂંદે છે સમુદ્ર બધા

મેળવે છે માત્ર એ જ મોતી, જે ઊતરે દરિયાના ઊંડાણમાં...

                                                   - પાર્થ પ્રજાપતિ