રડતું મન

 

આ કેવી આફતમાં મૂકયો છે તે મને આજે

રડવું આવે છે, છતાં રડી નથી શકાતું...

કારણ શોધી રહ્યો છું હસવા માટે આજે,

ઘણી મહેનત છતાં એ કારણથી નથી મળાતું...

ધીરજ રાખીને બેઠાં હતાં અમે એ આશથી,

મળીશું એક દી, પણ આજે ખુદને નથી મળાતું...

હસતાં ચહેરા પાછળનું દુઃખ, હવે નથી સહેવાતું,

સ્મિત કર્યું ઘણું, હવે જગને નથી છેતરવાતું...

પારકા તો પારકા, પોતાનાં પણ ન સમજ્યાં,

ખિસ્સાનો આ ભીનો રૂમાલ, શાને નથી સુકાતો...

                                              - પાર્થ પ્રજાપતિ