ક્યાં સંતાયા એ પંખીઓ- વાસુકિયા રસીલા ' રસ '

 

રંગ ઓછા ને જ્યાં પડછાયા ઝાઝા હતા,

એક ઝાડમાં ફૂલ ઓછા ને ફળ ઝાઝા હતા.

કોણ જાણે ક્યાં સંતાયા એ પંખીઓ,

જ્યાં મન એક ને માળા ઝાઝા હતા..

અંધારા ઓછા ને જાગતા એ સ્વપ્ન ઝાઝા હતા

એક આંગણામાં તારલા ઓછાને ચાંદ ઝાઝા હતા.

કોણ જાણે ક્યાં ખોવાયા એ પંખીઓ,

જ્યાં પ્રસંગ એક ને મેળા ઝાઝા હતા.

ઉપરી મોહ ઓછા ને જ્યાં ભાવ ઝાઝા હતા,

એ સંબંધોના સોના કરતા મોલ ઝાઝા હતા.

કોણ જાણે ક્યાં રૂંધાયા એ પંખીઓ,

જ્યાં આત્મા એક ને દેહ ઝાઝા હતા.

- વાસુકિયા રસીલા ' રસ '

આથી હું બાંહેધરી આપું છું કે આ મારી સ્વરચીત અને અપ્રકાશિત રચના છે.

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો