લેખક : દિલીપ ધોળકિયા,"શ્યામ"
રચનાનું નામ : રાતભર
-------------
જોતરી મન બળદિયા હેતાળ છેડે રાતભર.
એમ ઈચ્છાની ધરા એ રોજ ખેડે રાતભર.
રાત આખી દીવડો મ્હોલાતમાં સળગી રહ્યો,
આંખ ટપકાવી અભરખા તેલ રેડે રાતભર.
ફાલ આંબે ખૂબ ફાલ્યો યાદની મોસમ તણો,
સાવ હળવાં હાથથી એ વ્હાલ વેડે રાતભર.
કો' સજી શણગાર એની આંખમાં આવી વસે,
કાંખમાં લઈ મોહિની એ રોજ તેડે રાતભર.
થાક જીવનનો ભરી દિલમાં તે રાખે ક્યાં સુધી?
મૌન થઈ આઘી મુકે ઝંઝાળ મેડે રાતભર.
~દિલીપ ધોળકિયા,"શ્યામ"
જૂનાગઢ.
બાંહેધરી :- આથી હું દિલીપ ધોળકિયા ખાતરી આપુ છું કે આ ગઝલ મારું મૌલિક સર્જન છે.
આ પણ વાંચો:- આર્ટિફિશિયલ ઇન્ટેલિજન્સ -AI માનવજાત માટે વરદાન કે શ્રાપ?
અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.