તું એને જોજે, હવે તારે ભરોસે - શ્રીમતી મીનાક્ષી ત્રિવેદી 'મૌની'

રચનાનું નામ: તું એને જોજે, હવે તારે ભરોસે

લેખકનું નામ: શ્રીમતી મીનાક્ષી ત્રિવેદી 'મૌની'

સફાઈ આજ ઘરની કરતાં,

સાસુમાની મળી ડાયરી..

હરિવરને લખેલો અધૂરો કાગળ,

વાંચતા અશ્રુ વહેવા લાગ્યા..

વિનંતી કરે એ હરિવરને,

જીવન મારું સમાપ્તિ ને આરે..

દિકરો મારો પાંચ વરસનો,

તું એને જોજે..હવે તારે ભરોસે..

કોડ મને ઘણા ભણાવવાના,

ડોક્ટર બનશે ને કરશે દવા..પણ

આ રોગ હવે જીવ લઈને રહેશે,

તું એને જોજે..હવે તારે ભરોસે..

નથી પપ્પા કે નથી સગાંવહાલા,

કોણ કરશે દરકાર એની..!

જીવ મારો ગભરાય હવે,

તું એને જોજે..હવે તારે ભરોસે..

                         🌹

આગળ શબ્દ ના લખી શક્યા!

શાંત થયો હશે આત્મા એમનો..

સાસુમા બિચારા તડપ્યા હશે,

કોને કહેવાય વાત મનની..!

સામે મોત નાચે! નાનું બાળ રોવે!

કેવી હશે એ ઘડી હરિવર..!

સાસુમાને મેં જોયા નથી,

પણ, પ્રીતનો એ દરિયો..

ચરણસ્પર્શ કરું સાસુમાને..

✍🏼શ્રીમતી મીનાક્ષી ત્રિવેદી,

'મૌની' વડોદરા

બાંહેધરી:ઉપરોક્ત રચના મારી સ્વરચિત અને અપ્રકાશિત છે.