ઘર - ભદ્રેશ વ્યાસ"વ્યાસ વાણી"

કવિતાનું નામ / ઘર (ગઝલ) 

કવિનું નામ - ભદ્રેશ વ્યાસ"વ્યાસ વાણી"

તળની મજબૂતાઇ પર બંધાય છે ઘર,

કેટલી મહેનત પછી સર્જાય છે ઘર.

સ્નેહ ઝરતી લાગણી વિશ્વાસ જેવા,

સાવ કોમળ તાંતણે સીંચાય છે ઘર.

ભીંત મોટી થઇને પોતાનું જ ધારે,

તો ગમે ત્યારે કડડભૂસ થાય છે ઘર.

કેમ કહેવું કે સમજદારી વધી છે,

નાની નાની વાતમાં વીખરાય છે ઘર.

રાગ જો એક જ હશે વાંધો ન આવે,

રોજ નોખું ગાન છોને ગાય છે ઘર.

ઢાંકપિછોડો નહીં ચાલે વધારે,

વાતમાંને વાતમાં વરતાય છે ઘર.

એ ભલેને ઝૂપડામાં હોય તો પણ,

બાળપણનું ના કદી વીસરાય છે ઘર.

લાગતું ફેશન વધી છે એમ જાણે,

હોય વસ્ત્રો એમ લ્યો બદલાય છે ઘર.

ભદ્રેશ વ્યાસ"વ્યાસ વાણી"

આથી હું, ભદ્રેશ વ્યાસ"વ્યાસ વાણી" ખાતરી આપું છું કે આ કવિતા મારું મૌલિક સર્જન છે. જો એ કોઇની નકલ પૂરવાર થશે તો કાનુની પગલા ભરવાનો આપનો અધિકાર છે. 

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો