પ્રીતને તાંતણે - ભાવના આચાર્ય દેસાઈ 'ભાવુ'

હળવેથી હૈયાંના બારણે

ટકોરા કોઈ મારી ગયું ,

સૂતેલી ઊર્મિના તાર

ઝણઝણાવી ગયું.

પાંપણે હર્ષનાં આંસુનું

તોરણ રચાય ગયું ,

અમીનજરે મુજને નિહાળી

મૌન તાંતણે બાંધી ગયું.

શબ્દભાવ વિશ્વમાં

અશબ્દ વિસ્તરતું,

સંવેદન સંવાદનું

મેઘધનુષ રચાય ગયું.

સ્નેહ ઉદધિએ

ઉઠતી લહેર સંગે ,

ઓચિંતુ કોઇ આવીને

નખશિખ ભીંજવી ગયું.

હેતથી ભાલે કોઈ

ચુંબન ચોડી ગયું,

જીવવાનું કારણ

તો આપીજ ગયું.

✍️ ભાવના આચાર્ય દેસાઈ 'ભાવુ'

બાંહેધરી: ઉપરોક્ત રચના મારી સ્વરચિત છે.

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો