વારતા છે - ભદ્રેશ વ્યાસ"વ્યાસ વાણી"

કવિતાનું નામ - વારતા છે

કવિનું નામ - ભદ્રેશ વ્યાસ"વ્યાસ વાણી"

એક રાજા એક રાણી આ બધાની વારતા છે,

આવડે લેતા મજા તો બહુ મજાની વારતા છે.

આમ ધરતી પર મળે છે ને ધરાની વારતા છે,

આભમાં પણ લઇ જનારી આસમાની વારતા છે.

પાસ આવી બેસ તો હું મૌન થઇને સંભળાવું,

એકલા તારા ને મારા ઓરતાની વારતા છે.

છૂટ આપી છે બધાને ઊડવાની તે છતાં પણ,

એક રૂંધી રાખનારા પીંજરાની વારતા છે.

આજની છે રોજની છે,એ નહીં પૂરી કરે કંઇ,

એને આની આ ભવોભવ રાખવાની વારતા છે.

જિંદગીભર સૌ ધજા ફરકાવવા મથતા રહે પણ,

એ ખબર પડતી નથી કોની ધજાની વારતા છે.

જાણતલ જાણી ગયા છે પણ નથી અણજાણ ઓછાં,

સૌની સાથે સૌની સામે, છાનીમાની વારતા છે.

ભદ્રેશ વ્યાસ"વ્યાસ વાણી"

હું ભદ્રેશ વ્યાસ "વ્યાસ વાણી"

બાહેધરી આપું છું કે આ ગઝલ મારું પોતાનું મૌલિક સર્જન છે. 

અને એ જો કોઇની નકલ પૂરવાર થાય તો કાનુની પગલા ભરવાનો તમારો અધિકાર છે.