પોસ્ટ્સ
થોડાં પર્ણો શું ખર્યાં મારાંં,
તમે તો બીજે છાયડો ગોતવા લાગ્યાં,
ડાળીઓ કપાઈ જશે તો પણ,
કૂંપળો ફરી ફૂટશે, થઈશ હું ઘટાદાર...
થોડી પાનખર શું આવી,
તમે તો કુહાડી ગોતવા લાગ્યાં,
થોડી ધીરજ તો રાખો, હમણાં
વસંત આવશે, ફરી થઈશ હું લીલોછમ...
થોડી ઓટ શું આવી મારા સમુદ્રમાં
તમે તો બીજો કાંઠો ગોતવા લાગ્યાં,
ઉલેચી ઉલેચીને થાકી જશો પણ,
ખાલી નહિ થાઉં, હમણાં ભરતી આવશે...
થોડાં વાદળો શું ઘેરાયા આકાશમાં,
તમે તો ફાનસ ગોતવા લાગ્યાં,
કાં ગરજશે, કાં વરસશે, હમણાં
વાદળો હટશે, ફરીથી ઉજાસ છવાશે...
થોડાં ડગલાં પાછળ શું ગયો,
તમે તો કાયર સમજી લાકડી ગોતવા લાગ્યાં,
સિંહ છું હું ગુજરાતનો, જેટલો પાછો
જઈશ એટલો જ લાંબો કૂદકો મારીશ...
- પાર્થ પ્રજાપતિ
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.