ચાંદ પર આવ્યો જુઓ - દિલીપ ધોળકિયા

લેખક : દિલીપ ધોળકિયા,"શ્યામ"

રચનાનું નામ : ચાંદ પર આવ્યો જુઓ

------------------------------

ભારત તણો વિશ્વાસ છેવટ ચાંદ પર આવ્યો જુઓ.

આનંદનો  અવસર અનેરો  દિલ મહીં લાવ્યો જુઓ.

સૌ  દેશ  આજે  માનશે  ભારત  તણી  ગૌરવ  કથા,

આજે  ત્રિરંગો  શાનથી  લો  ચાંદ  ફરકાવ્યો  જુઓ.

જ્યાં  વેદ  વાણી  ગૂંજતી, આ  દેશ છે  દેવો  તણો,

વિજ્ઞાન  સાથે ધર્મ  રાખી જગમાં  ચમકાવ્યો જુઓ.

આતો  હજુ  શરૂઆત છે, બાકી  ઘણાં  આયામ છે,

ભરપૂર  માનવતા  મહીં  ભારતને  મ્હેકાવ્યો  જુઓ.

છે  વિશ્વ  બંધુત્વ  તણી  મિશાલ  ભારત  જોઈ લો,

આ એકતાનો ભાવ દિલથી આજ છલકાવ્યો જુઓ.

નાતો  હજારો  યુગ  તણો  છે  ચાંદ  સાથે  આપણો,

હા, આજ ચંદ્રયાન  લઈને ચાંદ  પર પહોંચ્યો જુઓ.

~દિલીપ ધોળકિયા,"શ્યામ"

   જૂનાગઢ.

આ મારી સ્વ રચીત રચના છે જેની હું બાંહેધરી આપું છું..

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો