હું કોણ..? - શ્રીમતી મીનાક્ષી ત્રિવેદી'મૌની'

શીર્ષક: હું કોણ..?

લેખિકા: શ્રીમતી મીનાક્ષી ત્રિવેદી'મૌની'

-----------------------

*આ સંસાર છે... અસાર*

        *મનખા દેહ*

    *બન્યો પંચતત્વ નો*

 *ભળશે એ પંચતત્વ માં*

            *હું કોણ...?*

 *કંઇક કેટલાય જન્મના,*

    *કર્મના ફળ સ્વરુપે* 

  *મળ્યો આ માનવદેહ* 

                           

 મારો દિકરો..!મારી દીકરી..!

   મારો પતિ..!મારી પત્ની..!

              મારાં મિત્રો

     કાકા મામા માસી ફોઇ

     સંબંધોની માયાજાળ..

     જગત તણાં વ્યવહાર,

       ચાલે છે સંબંધો થી..

                પણ...

એક વિચાર કરીએ મનથી..

   પુત્ર કોનો? પત્ની કોની?

       ધન કોનું ને ધર કોનું?

      મારૂં  મારૂં કરતાં રહો, 

     સઘળું અહીં  રહેવાનું

      

           કાળ દસ્તક દેશે

      છોડવો પડશે આ દેહ..

      *ખોળીયું રહી જશે,*

       *આત્મા ઉડી જશે*

અહીંના સંબંધ અહીં જ રહેશે

        માટેજ  'મૌની' વિચાર,

        હું કોણ...? એ સમજ

      પરમાત્માના અંશ આપણે

       વેર ઝેર  અહં દ્વેષ ત્યજી,

          કરતા રહીએ સત્કાર્યો..

     હરતાં ફરતાં..ઉઠતાં બેસતાં, 

        સવાર..બપોર ને સાંજ..

              કર્મ કરતા કરતા

      હરિ સ્મરણ કરતા રહીએ..

        અંત સમય હરિ આવશે,

          લઇ જાશે નિજ ધામ..

                         ॐ

શ્રીમતી મીનાક્ષી ત્રિવેદી, 

'મૌની' વડોદરા,

 અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો