રજકણ - ઘનશ્યામ વ્યાસ "શ્યામ"

રચનાનું નામ: રજકણ

લેખકનું નામ: ઘનશ્યામ વ્યાસ "શ્યામ"

બાપના ઘરની રજકણમાં

મારું છૂપાયેલું બાળપણ છે.

માને ધાવ્યા પછી ખાધેલો

ઓડકાર આ રજકણમાં છે.

માથામાં પડેલી જુ કાઢતા

ખરેલો વાળ રજકણમાં છે.

 માળીયા પરથી પડી જતાં

નીકળેલું લોહી રજકણમાં છે.

અરે મારી પાટી, અડધી

ખાધેલી પેણ રજકણમાં છે.

લગોરી રમતા સાચવેલા

પથ્થરોની રજકણ અહી છે.

 બેન સાથે દોરડા કૂદવા

લીધેલી દોરી રજકણમાં છે.

રાખડી બાંધી પ્રેમથી ભેટી

એની ખુશ્બુ રજકણમાં છે.

બેનને વિદાઈ આપી એના

થાપા આ રજકણમાં છે.

હવે માબાપ નથી રહ્યા

એમની યાદો રજકણમાં છે.

સાચું કહું તો આખું ઘર જ 

રજકણ બની રજકણમાં છે.

 બાંહેધરી :- આથી હું, 'ઘનશ્યામ વ્યાસ '"શ્યામ" ખાતરી આપુ છું કે આ લેખ મારું મૌલિક સર્જન છે. 

અમારા વ્હોટ્સએપ ગૃપમાં જોડાવા અહીં ક્લિક કરો

અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો