એક વાત - ઘનશ્યામ વ્યાસ "શ્યામ"

રચના:- એક વાત

લેખકનું નામ:- ઘનશ્યામ વ્યાસ "શ્યામ"

આંખોએ છુપાવેલી 

કહેવી છે વાત,

ભલે હિંડોળે ઝુલુ હું

માઝમ રાત.

ફૂલો સાથે પતંગિયાનો

જોયો મેં પ્રેમ,

 ભમરાને કેમ આવ્યો

એમાં વહેમ ?

આ મનગમતું સગપણ

ને અનોખી વાત,

તમે પણ જોઈને રાખજો

છાની આ વાત.

વ્હાલાની મોરલીના

સંભળાય રાધાને સૂર,

તો યે ગાયો ભાંભરતી આવે 

ભલે ને હોય દૂર.

આ કાન અને સૂરની

કેવી અનોખી વાત,

 મારા હૈયાને તો આ

 ગોઠી ગઈ વાત.

ભલે હિંડોળે ઝુલુ હું

આખી રાત,

આજ મનગમતી મારે 

કહેવીતી વાત.

 

બાંહેધરી:- આથી હું ઘનશ્યામ વ્યાસ ખાતરી આપું છું કે આ કવિતા મારું મૌલિક સર્જન છે.જે એ કોઈની નકલ પૂરવાર થાય તો કાનૂની પગલાં ભરવાનો આપને અધિકાર છે.