પોસ્ટ્સ
રચનાનું નામ: - મને જીવવા દો
લેખકનું નામ:- દેવીબેન વ્યાસ વસુધા
મને જીવવા દો.
૦૦૦૦૦૦૦૦૦૦
તમે જે કરો તે, મને જીવવા દો.
તમે જેમ રહો તે, મને જીવવા દો.
નથી કોઇ પરવા, તમે શું કરો છો?
તમે જે કહો તે, મને જીવવા દો.
તમે રાજ સ્થાપો, તમને મુબારક,
તમે જે રચો તે, મને જીવવા દો.
નહીં ચાંચ ડૂબે, અમારી કદીયે,
તમે જે રમો તે, મને જીવવા દો.
અમીરી તમારી તમે પાસ રાખો,
તમે જે હશો તે, મને જીવવા દો.
ગરીબી અમારી મજા લાગતી બહુ,
તમે જે ભણો તે, મને જીવવા દો.
નજર સૌની એક ક્યાં જુએ છે સકલને?
તમે જે જુઓ તે, મને જીવવા દો.
નથી પાંચ આંગળ કદી કોઇ સરખા,
તમે જે ગ્રહો તે, મને જીવવા દો.
થઈ વાત કાને જતી અન્ય કાને,
તમે સાંભળો તે, મને જીવવા દો.
જરૂરી નથી જિંદગીમાં દખલ દે,
તમે જે જીવો તે, મને જીવવા દો.
પ્રલોભન ચળાવે, છતાં ના ડગું હું,
તમે જે ગણો તે, મને જીવવા દો.
દેવીબેન વ્યાસ-વસુધા-સુરેન્દ્રનગર
લેખકનું નામ:- દેવીબેન વ્યાસ 'વસુધા'
બાંહેધરી :- આથી હું, 'દેવીબેન વ્યાસ-વસુધા' ખાતરી આપુ છું કે આ કવિતા મારું મૌલિક સર્જન છે. જો એ કોઈની નકલ પુરવાર થાય તો કાનૂની પગલાં ભરવાનો આપને અધિકાર છે.
અમારા વ્હોટ્સએપ ગૃપમાં જોડાવા અહીં ક્લિક કરો
અવનવી માહિતીઓ, જનરલ નોલેજ, તાજા ખબર, સરકારી કે પ્રાઇવેટ નોકરીઓ વગેરેની માહિતી મેળવવા અહીં ક્લિક કરો
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.