પોસ્ટ્સ
કવિતાનું નામ - ભદ્રેશમાંથી
કવિનું નામ - ભદ્રેશ વ્યાસ"વ્યાસ વાણી"
થઇ શકું ભદિયો ફરી ભદ્રેશમાંથી,
તો પછી નીકળી શકાશે દ્વેષમાંથી.
એનું ભણતર ના કદી પૂરૂ થવાનું,
ભાગી જાતા જેટલા રિસેસમાંથી.
એવા સંદેશા નહીં કંઇ કામ આવે,
મૂક્ત જે કરતા નથી અંદેશમાંથી.
ગાલ પરથી મેં નથી ભૂસાવા દીધું,
મા જે કરતી કાળું ટપકું મેશમાંથી.
મારી તુલના કોઇની સાથે ન કરશો,
થઇ શકું છું હું ઊભો અવશેષમાંથી.
પાત્ર પૂરતા ન્યાયથી ભજવી જનારા,
થઇ જવાના મૂક્ત માનવ વેશમાંથી.
ભદ્રેશ વ્યાસ"વ્યાસવાણી"
આથી હું ભદ્રેશ વ્યાસ"વ્યાસ વાણી" બાહેધરી આપું છું કે આ રચના મારી પોતાની મૌલિક રચના છે.
જો એ કોઇની નકલ પૂરવાર થશે તો કાનુની પગલા ભરવાનો આપનો અધિકાર છે.
ટિપ્પણીઓ નથી:
ટિપ્પણી પોસ્ટ કરો
Please Give your valuable comments and Don't enter spam link in comment box.