નવા વર્ષે સઘળું નિરાળું - ભદ્રેશ વ્યાસ

વરસના અંતિમ દિવસ અને પ્રથમ દિવસની શુભકામનાઓ

નવ્ય વર્ષે સઘળું નિરાળું

એક ભાણે બેસી ઘર જમતું નિહાળું, 

આ જગતનું એક સરખું હોય વાળું. 

એકદમ ઉજળો રહે પ્રત્યેક દાડો, 

રાતનું જોવા મળે ના મોઢું કાળું,

આપણી વચ્ચે વધે વિશ્વાસ એવો, 

કે રહે ના કોઇ વાતે ક્યાંય તાળું. 

આ દિવાળી સાફસૂફી એટલી કે, 

કોઇ મનમાં ના રહે એકેય જાળું. 

વૃક્ષ ફાલે ફૂલે,લીલાછમ રહે સૌ, 

પણ કુહાડી વૃક્ષનું ના થાય ડાળું. 

માગણી મારી પ્રભુ આ નવ્ય વર્ષે, 

આ જગત સદ્ભાવથી છલકાતું ભાળું. 

જ્યાં નજર મારી પડે આ નવ્ય વર્ષે,

બસ મને જોવા મળે સઘળું નિરાળું. 

- "વ્યાસ વાણી" પરિવાર

ભદ્રેશ,હંસા,પાર્થ અને ઝંખના વ્યાસ.

શુભ દીપાવલી 

અને નૂતન વર્ષા અભિનંદન.