કૃષ્ણ તારી યાદ - ઘનશ્યામ વ્યાસ શ્યામ

રચના:- કૃષ્ણ તારી યાદ

લેખકનું નામ:- ઘનશ્યામ વ્યાસ શ્યામ

કુંજગલીમાંથી જો તું નીસરે

તો આનંદ અમારો પ્રસરે,

તો યે ગોપીઓ તને જોઈને

કાબરચીતરો કેમ ચીતરે ?

આ કદંબના ઝાડે થી

તારી વાંસળી મધુર વાગે 

પણ અમારા હૈયાની વાત

મોરલીના મોઢે કેમ આવે?

રાધા મુખેથી જો પરોઢિયે

નામ તારું નીકળે

તો ગોવાળો સાથે ગાયો 

સાન ભાન કેમ વિસરે?

આ એકાંતની પળોમાં

સાથ તારો અમને મળે

 તો તું અમને વિસારે કે

અમે જાતે વીસરી જઈએ.

બાંહેધરી:- આથી હું ઘનશ્યામ વ્યાસ ખાતરી આપું છું કે આ કવિતા મારું મૌલિક સર્જન છે.જે એ કોઈની નકલ પૂરવાર થાય તો કાનૂની પગલાં ભરવાનો આપને અધિકાર છે.